Kvelden 24.september vert Bryne kyrkje prega av nye møte som har sett spor.  Denne gongen er bakteppet Ukraina.

Musikken denne kvelden er ved Alona Moskalenko og Rune Svanes Pedersen frå Egersund. Han er korps- og kordirigent og speler fleire instrument. Alona Moskalenko er frå Ukraina, og er utdanna vokalpedagog og operasongar. Ho kom til Egersund i januar i år.

Frode Jess Klippen har kvelden sin tale.  Han vil fortelja om sterke inntrykk av møte med folk og korleis Gud greip inn i livet, i og utanfor Ukraina i den tida han dreiv og kjørte hjelpesendingar til Ukraina mellom 1992 og 1997. Desse første åra etter at "Jernteppet" falt ga sterke opplevingar eller "møte" med menneske leda av Gud! Hendingar som forandra han for alltid. 

Etter at krigen braut ut i fjor og nærkontakt med mange ukrainarar og flyktningar, har desse erfaringane fått nytt liv. 

Kvelden vil gje eit sterkt vitnesbyrd om Gud som er i stand til å bruka kven han vil, i sitt arbeid, uavhengig av mil/distanse/språk/kirketilhørighet eller "posisjon".

Varmt velkomne til formidling og musikk som set spor. Til gudsteneste med nattverd og stille vandring til bord med tekstar, symbol og tente lys.

• Stein Ødegård -