
Saman som gjestfri kyrkje
Saman – som gjestfri kyrkje
Denne våren ønskjer Brynekyrkja å ha fokus på det same som heile Stavanger bispedømme. I over 900 år har folk kome SAMAN i kyrkja, for å be, feira gudsteneste, syngja og vera saman i sorg og glede.
Når bispedømmet, domkyrkja og Stavanger by fyller 900 år, er kjerneordet SAMAN. Saman om varige spor i historien og i det som kyrkja kan vera og bety i dag og i framtida.
Biskopen har utfordra oss til å feira temagudsteneste om nestekjærleik og det å vera gjestfri kyrkje. Prosten har samla prestane, diakonane og kyrkjemusikarane til gode idèar om dette.
I Brynekyrkja blir slikt ein heil kveldsgudstenesteserie!
Som vanleg blir det nattverd og høve til å vandra til bord med lys, tekstar og symbolhandlingar, stelt til av Heidi Strand Harboe.
Velkommen! Me vil gjerne vera saman som gjestfri kyrkje!
-Stein Ødegård-
Sundag 2. mars
Saman – i samtale rundt bordet
Lars Slettebø, Kirkelig dialogsenter Musikk: Misjonskorpset, Egersund
Sundag 23. mars, Maria bodskapsdag
Saman – med kvinner som viser veg Kristin Fjelde Tjelle, VID Musikk: Time kulturskule
Torsdag 17. april, Skjærtorsdag
Saman – ved Meisteren sitt bord
Sokneprest i Undheim, Nadine Vaagen Musikk: Ingrid Helgeland, fløyte