Matteus 3,13- 17: Jesus blir døypt
Då kom Jesus frå Galilea til Johannes ved Jordan for å bli døypt av han. Men Johannes ville hindra han og sa: «Eg treng dåp av deg, og så kjem du til meg?» 15 Jesus svara: «Lat det no skje! Dette må vi gjera for å oppfylla all rettferd.» Då gjorde Johannes som Jesus ville. Med det same Jesus var døypt, steig han opp av vatnet. Og sjå, himmelen opna seg, og han såg Guds Ande koma dalande ned over seg som ei due. Og det lydde ei røyst frå himmelen: «Dette er Son min, han som eg elskar, i han har eg mi glede.»
2 ansikt møter kvarandre. Det eine er forskrekka, det andre er fast og bestemt. Johannes og Jesus står overfor kvarandre ved Jordanelva.
Johannes døyper folk som vil venda om og starta eit nytt liv. Han døyper syndarar som vil gjera retningsforandring og venda seg til Gud. Mange vil. Dei kjem. Dei vert døypte, dukka under i Jordanelva og stig opp for å leva eit nytt liv. Men så kjem Jesus. Då får Johannes sjokk. Han nektar. Dåpen hans er for syndarar, ikkje for syndfrie. Jesus passar ikkje inn.
Ansikta fortset å sjå inn i kvarandre. Johannes forskrekka. Jesus fast og bestemt. Johannes ser ein kortsiktig katastrofe og nektar å døypa feil mann. Jesus ser langsiktig seier. Han er rett mann til å gjera noko som bare han kan, for alle mann. 2 blikk står og bryt mot kvarandre. Kven bøyer av? Kva skjer nå? Vert det katastrofe eller seier av dette? Kven ser konsekvensane på kort sikt? Kven ser dei på lang?
Slik har me alle stått ansikt til ansikt med eit valg i livet? Kva inneber valget på kort sikt og på lang? Dei som har levd ei stund har vel funne ut dette:
Dei beste valga me gjer, er ofte dei langsiktige.
Dei dårlegaste valga me gjer, er ofte dei kortsiktige.
Satsar me på noko som varer, får me gjerne noko som varer.
Satsar me helst på øyeblikket og det som er gildt akkurat nå, så kan det som er godt på lang sikt, gli ut av hendene våre. Kortvarig suksess kan lett verta langsiktig trøbbel.
Heile preika kan lesast i lenka under. Ho blir avslutta slik...
Kvar gong de er i kyrkja, og særleg når det er dåp, må de gjerne fylla synet med den eine delen av glasmaleriet i Brynekyrkja. Kanskje ser og anar me samanhengen mellom Jesu dåp og vår dåp. Vatnet som strøymer som ei elv frå barnet sitt hovud heilt ned. Dua som dalar heilt oppe. Barnet som har funne eit fang å høyra til i. Elska av Far i himmelen – og foreldra sine!
Og dette er ikkje kortvarige greier! Dette gjev ikkje langsiktig trøbbel! Å vera døypt er å vera døypt til livet! Det som er evig.
Slik gjer foreldre langsiktig gode valg for dei som dei er så glad i. Slik får me alle hjelp til å unngå for mykje kortsiktig trøbbel. For me er døypte til eit liv med langsiktig mål. Eit liv med seier. Eit liv med Jesus.
Matteus 3,13- 17: Jesus blir døypt
Då kom Jesus frå Galilea til Johannes ved Jordan for å bli døypt av han. Men Johannes ville hindra han og sa: «Eg treng dåp av deg, og så kjem du til meg?» 15 Jesus svara: «Lat det no skje! Dette må vi gjera for å oppfylla all rettferd.» Då gjorde Johannes som Jesus ville. Med det same Jesus var døypt, steig han opp av vatnet. Og sjå, himmelen opna seg, og han såg Guds Ande koma dalande ned over seg som ei due. Og det lydde ei røyst frå himmelen: «Dette er Son min, han som eg elskar, i han har eg mi glede.»
2 ansikt møter kvarandre. Det eine er forskrekka, det andre er fast og bestemt. Johannes og Jesus står overfor kvarandre ved Jordanelva.
Johannes døyper folk som vil venda om og starta eit nytt liv. Han døyper syndarar som vil gjera retningsforandring og venda seg til Gud. Mange vil. Dei kjem. Dei vert døypte, dukka under i Jordanelva og stig opp for å leva eit nytt liv. Men så kjem Jesus. Då får Johannes sjokk. Han nektar. Dåpen hans er for syndarar, ikkje for syndfrie. Jesus passar ikkje inn.
Ansikta fortset å sjå inn i kvarandre. Johannes forskrekka. Jesus fast og bestemt. Johannes ser ein kortsiktig katastrofe og nektar å døypa feil mann. Jesus ser langsiktig seier. Han er rett mann til å gjera noko som bare han kan, for alle mann. 2 blikk står og bryt mot kvarandre. Kven bøyer av? Kva skjer nå? Vert det katastrofe eller seier av dette? Kven ser konsekvensane på kort sikt? Kven ser dei på lang?
Slik har me alle stått ansikt til ansikt med eit valg i livet? Kva inneber valget på kort sikt og på lang? Dei som har levd ei stund har vel funne ut dette:
Dei beste valga me gjer, er ofte dei langsiktige.
Dei dårlegaste valga me gjer, er ofte dei kortsiktige.
Satsar me på noko som varer, får me gjerne noko som varer.
Satsar me helst på øyeblikket og det som er gildt akkurat nå, så kan det som er godt på lang sikt, gli ut av hendene våre. Kortvarig suksess kan lett verta langsiktig trøbbel.
Heile preika kan lesast i lenka under. Ho blir avslutta slik...
Kvar gong de er i kyrkja, og særleg når det er dåp, må de gjerne fylla synet med den eine delen av glasmaleriet i Brynekyrkja. Kanskje ser og anar me samanhengen mellom Jesu dåp og vår dåp. Vatnet som strøymer som ei elv frå barnet sitt hovud heilt ned. Dua som dalar heilt oppe. Barnet som har funne eit fang å høyra til i. Elska av Far i himmelen – og foreldra sine!
Og dette er ikkje kortvarige greier! Dette gjev ikkje langsiktig trøbbel! Å vera døypt er å vera døypt til livet! Det som er evig.
Slik gjer foreldre langsiktig gode valg for dei som dei er så glad i. Slik får me alle hjelp til å unngå for mykje kortsiktig trøbbel. For me er døypte til eit liv med langsiktig mål. Eit liv med seier. Eit liv med Jesus.
