Gudstenesteutvalet i Brynekyrkja har gjennom mange år skapt ei gudstenesteform som mange er veldig glad i – og andre finn det lett å koma til. 

Kveldsgudsteneste har ein undervisande profil, gjerne utradisjonelle føredragshaldarar om aktuelt i tida.  Dei siste åra har ein hatt semestervise  tema som gjer at kveldar utfyller kvarandre.  Bønnevandringane er vakre – og dei musikalske uttrykka har stor breidde. 

Velkommen til ei gudstenestefeiring som utvidar perspektiv på ein tradisjonsrik og eksperimenterande måte.

Kveldsgudstenesteserie i Brynekyrkja hausten 2025:

Pilegrim mellom tradisjon og trendar

Pilegrimsvandring er ein mange hundre år gammal religiøs tradisjon. Oppbrot, oppgjer, bot, tilgjeving og miskunn er målsettingar og verdiar som har følgt pilegrimane sin praksis gjennom alle år. I vår tid, er det både fokus på å finna igjen dei gamle pilegrimsvegane og å finna ny meining som kan møta behov og lengsler hos moderne menneske. I kveldsgudstenestene hausten 2025, ønskjer me å informera, inspirera og utfordra til ny oppdaging av pilegrimsvandringa sine ressursar for oss som lever i dag.

Her er programmet: 

24.august

Å ta opp ein tradisjon

Pilegrimspraksis i Rogaland.
Føredrag av Wenche Lindtner,
leiar av nasjonalt pilegrimssenter på Avaldsnes

Musikk: Pilegrimskvartetten

12.oktober

Å ta i veg

Pilegrimar si erfaring i møte med folk og ferdselsvegar.
Føredrag av Kirsten Jæger Fjetland
Musikk: Jærklang

23.november:

Å utforska mysteriet

Pilegrimsvandring som eksistensiell reise.
Føredrag av Einar Vegge,
kystpilegrimsprest frå Stavanger til Nidaros
Musikk: Mari Ask Helland

Velkommen til kveldsgudstenester
med føredrag, god musikk, nattverd og bønnevandring.

• Stein Ødegård