Velkommen til babysong i Brynekyrkja
Tilbodet er for babyar frå 0-1 år. Me har babysong kvar onsdag i Bryne kyrkje, og annakvar onsdag i Undheim kyrkje og på Lye forsamlingshus. De vel sjølve kvar de vil melde dykk på. Me har kurs med ca. 6 - 8 samlingar kvart semester alle stader.
Kva er babysong?
Babysong er ei songstund der me samlast i ring på golvet i kyrkja. Songstunda varer ca. 30 min, og den inneheld blant anna namnesong, kristne songar, rim og regler og dans. Me varierer mellom å sitja og liggja på golvet og å stå og dansa i ring. Etter samlinga blir det servert kaffi og ein enkel lunsj.
Kvifor babysong?
Små barn opplever sterkt gjennom sansing. Musikk er ein unik måte å kommunisere med det vesle barnet på! Gjennom rytme og klang i ord og tonar opplever barn og vaksne eit eige samspel. Dette skal vere eit ”frirom” der babyen i lag med mor eller far får lytte til musikk, vere med på enkle øvingar og høyre og syngje gode songar.
Babysong-kurs med 8 samlingar - Bryne kyrkje: Onsdagar 31/8, 14/9, 21/9, 28/9, 5/10, 19/10, 26/10, 2/11 kl. 10.30-11.30.
Pris: 100 kr
Påmelding med QR-koden eller via link under:
https://pameldinger.no/e/edavzj
